No bus halt to Godagama Town

ගොඩගම සිට කොළඹ එන මගීන්ට මගී ආවරණයක් නැතිව අසීරුතාවක

සීග්‍රයෙන් දියුණුවෙමින් පවතින ගොඩගම නගරයේ සිට කොළඹ දෙසට ධාවනය බස් නවතනු ලබන ස්ථානයට මගී ආවරණයක් නොමැති වීමෙන් මගීන් මහත් හිරිහැරයට පත්ව ඇති බව වාර්තා වනවා. අව්වෙන් වැස්සෙන් ආරක්ෂා වීම සඳහා මගීන් ගොඩගම නගරයේ පිහිටි ඉන්ධන පිරවුම්හල භාවිත කරන බවයි මගීන් පවසන්නේ. 
එහි අනාරක්ෂිත තත්ත්වය හේතුවෙන් එම ස්ථානයේ රැඳී සිටීම අනතුරුදායක බව දැක්වෙන දැන්වීම් පුවරු අලවා තිබුණත් මගීන්ට වෙනත් විකල්පයක් නොමැති නිසා මෙම ස්ථානය අනතුරු සහිත බව දැන දැනත් භාවති කරන බවයි මගීන් පවසන්නේ. 
ගොඩගම හරහා පිටකොටුව දක්වා ධාවනය කෙරෙන සියලුම බස් රථ මෙම ස්ථානහේ නවතනු ලබන අතර මෙම ස්ථානයෙහි උදේ සහ දහවල් පාසල් ළමුන්ගෙන්ද පිරි පවතී. 
ජනතාව බලධාරින්ගෙන් ඉල්ලා සිටින්නේ ඊට මදක් ඔබ්බෙන් වූ දැනට දිරාපත් වෙමින් පවතින පැරණි පොලිස් මුරපොල මගී ආවරණයක් ලෙස පිළිසකර කර සකසා දෙන ලෙසයි. එසේම බස් රථ රියැදුරන් මැසිවිලි නගන්නේ නගරයේ ඉන්ධන පිරවුම් හල අසල බසය නවතා මගීන් නංවා ගැනීමේදී පොලීසිය විසින් රථවාහන වැරදි සම්බන්ධයෙන් නීතිය ක්‍රියාත්මක කරනු ලබන බවත් මගීන්ගෙන් බැනුම් ඇසීමට සිදුවන බවත් ය. 

ඉන්ධන පිරවුම්හල අසල රැඳී සිටීම අනතුරුදායක බව හඟවමින් ප්‍රදර්ශනය කර ඇති දැන්වීම. 
බස් නැවතුමක් නොමැතිව සිටින මගීන්

දිරාපත්වෙමින් පවතින පැරණි පොලිස් මුරපොළ


සටහන හා ඡායාරූප - ප්‍රියංගි ඒ. ජයසිංහ

Anarkali and Rosy's daughter FCID list?

අනර්කලී හා රෝසිගේ දුවත් FCID ලයිස්තුවේ?


ශ්‍රී ලංකාවේ පැවැති 2013 පොදු රාජ්‍ය මණ්ඩලයීය රාජ්‍ය නායකයින්ගේ රැස්වීම (CHOGM) සංවිධානය කිරීමට එක්වූ හිටපු පාර්ලිමෙන්තු මන්ත්‍රීනී හා නිළියක වන අනර්කලී ආකර්ශා හා හිටපු අමාත්‍යවරියක් වන රෝසි සේනානයක මහත්මියගේ දියණිය වන තිසක්‍යා මායා සේනානායක ගැනද මූල්‍ය අපරාධ පරීක්ෂණ කොට්ඨාසයේ අවධානය යොමුව ඇතැයි එහි අභ්‍යන්තර ආරංචි මාර්ගවලින් වාර්තා වේ.

පොදු රාජ්‍ය මණ්ඩලයීය රාජ්‍ය නායකයින්ගේ රැස්වීමේහි (CHOGM) සංවිධාන කටයුතු සිදුවූයේ හිටපු අධීක්ෂණ මන්ත්‍රී සජින් වාස් ගුණවර්ධන මහතාගේ අධීක්ෂණය යටතේය.

ඔහුගේ ප්‍රධානත්වයෙන් ඒ සඳහා කාර්යාලයක්ද ඉදිකර තිබිණි.

අනර්කලී මේවන විට ඇමරිකාවේ පදිංචිව සිටින අතර, ඇය විසින් කොග්ගල ඉදිකර ඇති හෝටලය ඉදිරිකිරීමට මුදල් උපයාගත් ආකාරය සම්බන්ධයෙන් ගැටලු මතුව ඇති බව ද පැවසේ.

අදාළ හෝටලය ඉදිකිරීමට යොදාගෙන ඇත්තේ රජයේ ඉඩමක් බව පරීක්ෂණවලින් හෙළිව ඇති අතර එය ලබාදී ඇත්තේ පාර්ලිමේන්තු මන්ත්‍රී නාමල් රාජපක්ෂ විසින් බවටද තොරතුරු අනාවරණය වී ඇතැයි වාර්තා වේ.

එසේම අනර්කලීට රූපවාහිනී විකාශන බලපත්‍රයක්ද ලබාදී ඇති බව හෙළිව ඇතැයි FCID අභ්‍යන්තර ආරංචි මාර්ගවලින් වාර්තා වේ.

මේ අතර, අනර්කලීගේ මව සමඟ කිට්ටු සම්බන්ධයක් පැවැත්වූ බව කියන ව්‍යාපාරික නහීල් වීරසූරිය මහතා අනර්කලී හරහා සිදුකළ වෙළෙඳ ගනුදෙනු සම්බන්ධයෙන්ද සෙවීමට FCID ය සූදානම්වන බව පැවසේ.

තිසක්‍යා London College of Fashion හි විලාසිතා කරණය පිළිබඳ උපාධිධාරිණියකි.

-SLM

Former Tigers full body checks can not - say US doctors

හිටපු කොටින්ගේ ෆුල් බොඩි චෙකප් බෑ - ඇමරිකානු දොස්‌තරලා කියති



පුනරුත්ථාපනය වූ එල්ටීටීඊ සාමාජිකයන් සම්පූර්ණ වෛද්‍ය පරීක්‍ෂණයකට ලක්‌කොට ඔවුන් පිළිබඳව වෛද්‍ය වාර්තා සපයා දෙන මෙන් උතුරු පළාත් ප්‍රධාන ඇමැතිවරයා යාපනයට පැමිණ සිටින ඇමරිකානු වෛද්‍යවරුන්ගෙන් කළ ඉල්ලීම එම වෛද්‍යවරුන් විසින් ප්‍රතික්‍ෂේප කොට ඇත.

උතුරු පළාත් ප්‍රධාන ඇමැතිවරයා ශ්‍රී ලංකාවේ සිටින ඇමරිකානු තානාපති අතුල් කේෂාප්ගෙන් මුලින්ම මේ පිළිබඳව ඉල්ලීමක්‌ කළ විට ඔහු කැමැත්ත පළ කළ බව උතුරු පළාත් සභාවේ දෙමළ ජාතික සන්ධානයේ මන්ත්‍රී එම්. කේ. ශිවාජිලිංගම් පැවසීය.

තමන් ඒ පිළිබඳව පළාත් සභාවේදී කතා කළ අවස්‌ථාවේදී ප්‍රධාන ඇමැතිවරයා සඳහන් කළේ ඇමරිකානු තානාපතිවරයා ඊට එකඟ වූ බව යෑයිද එම්. කේ. ශිවාජිලිංගම් මන්ත්‍රීවරයා කියා සිටියේය. ඇමරිකානු වෛද්‍ය කණ්‌ඩායම යාපනයේ ඉඩෙයිකාඩු පළාතට පැමිණ වෛද්‍ය සායන කටයුතු ආරම්භ කිරීමෙන් පසුව පුනරුත්ථාපනය වූ එල්ටීටීඊ සාමාජිකයන් පිරිසක්‌ පසුගිය සෙනසුරාදා ප්‍රධාන ඇමැතිවරයාගේ ලේකම්වරයා මගින් තමන් විසින් අදාළ ඇමරිකානු වෛද්‍ය කණ්‌ඩායමට ඉදිරිපත් කළ අවස්‌ථාවේදී ඔවුන් පරීක්‍ෂා කිරීම වෛද්‍යවරුන් විසින් ප්‍රතික්‍ෂේප කරන ලද බව මන්ත්‍රීවරයා සඳහන් කළේය.

ඊට හේතු වූ කාරණා විමසූ විට ඇමරිකානු වෛද්‍ය කණ්‌ඩායම පැවැසුවේ තමන්ට එවැනි පරීක්‍ෂණ කිරීම පිණිස අවශ්‍ය පහසුකම් නොමැති බව පමණක්‌ යෑයි ශිවාජිලිංගම් මන්ත්‍රීවරයා පැවැසීය. කෙසේ වෙතත් පුනරුත්ථාපනය වූ සියලුම එල්ටීටීඊ සාමාජික සාමාජිකාවන් පූර්ණ වෛද්‍ය පරීක්‍ෂණවලට ලක්‌ කිරීමේ කටයුතු උතුරු පළාත් සභාව විසින් කෙසේ හෝ සිදුකරන බවද මන්ත්‍රීවරයා කියා සිටියේය.

උතුරු පළාත් සෞඛ්‍ය ඇමැතිවරයා විසින් දියත් කොට ඇති එම වැඩපිළිවෙල ඉදිරියට ගෙනයන බව කී මන්ත්‍රීවරයා ඒ සඳහා විදේශයන්ගේ සහය අවශ්‍ය වේ නම් ඊට උදව් උපකාර කිරීමට විදේශයන් සූදානම් බවද පැවසීය.

උපුටා ගැනීම දිවයින පුවත්පත

Two arrested with ganja

ලක්ෂ දෙකක ගංජා සමග දෙන්නෙක් පන්නිපිටියේදී කොටු

රුපියල් ලක්‍ෂ දෙකක් පමණ වටිනා ගංජා කිලෝ හයක් සමග සැකකරුවන් දෙදෙනෙකු කොට්ටාව පොලීසිය විසින් පන්නිපිටිය ධර්මපාල මාවතේදී අත්අඩංගුවට ගෙන තිබෙනවා. කොට්ටාව පොලීසියට ලද තොරතුරක් මත සිදු කෙරුණු මෙම වැටලීමේදී මිද්දෙණියේ පදිංචි 36 හැවිරිදි පුද්ගලයෙක් සහ ඇරැව්වල පදිංචි 52 හැවිරිදි පුද්ගලයකු මෙලෙස අත්අඩංගුවට ගෙන ඇති බවයි පොලීසිය පවසන්නේ. 
සිද්ධිය සම්බන්ධයෙන් අත්අඩංගුවට ගත් ප්‍රධාන සැකකරු කාලයක් තිස්සේ අධිවේගී මාර්ගය ඔස්සේ බසයෙන් කොළඹට ගංජා ප්‍රවාහනය කර ඇති බවයි කොට්ටාව පොලීසිය සිදු කළ මූලික පරීක්ෂණවලදී හෙළිව තිබෙන්නේ. ප්‍රධාන සැකකරු අත්අඩංගුවට ගන්නා අවස්ථාවේදී ඔහු සන්තකයේ තිබී ගංජා කිලෝ 6ක්ද පොලිස් භාරයට ගෙන තිබෙනවා. 

ඔහුගෙන් කරන ලද ප්‍රශ්න කිරීම්වලින් අනතුරුව අනෙක් පුද්ගලයා අත්අඩංගුවට ගැනුණා. දෙවන සැකකරු ගංජා කිලෝවක පමණ ප්‍රමාණයක් අලෙවිය සඳහා වෙළෙඳ සැලකට ගොස් සිටියදීයි අත්අඩංගුවට ගනු ලැබුවේ.

අත්අඩංගුවට ගත් සැකකරුවන් පසුගිය 19 වැනිදා හෝමාගම අධිකරණයට ඉදිරිපත් කෙරුණි.

කොට්ටාව පොලීසියේ ස්ථානාධිපති පොලිස් පරීක්ෂක එල්.පී.බී. සමරසිංහ මහතාගේ උපදෙස් මත වැටලීම් අංශයේ ස්ථානාධිපති උපපොලිස් පරීක්ෂක දයාවංශ, පො.කො. බණ්ඩාර, පො.කො. නිරෝෂන් ඇතුළු නිලධාරීන් පිරිසක් විසින් පරීක්ෂණ මෙහෙයවීය.


සටහන හා ඡායාරූප - ප්‍රියංගි ඒ. ජයසිංහ

Why not questioning former Programme manager of CSN

CSN හි හිටපු වැඩසටහන් කළමනාකරු FCIDයට නොපෙනුනේ ඇයි?

CSN රූපවාහිනී නාලිකාව සම්බන්ධයෙන් සිදු කරන විමර්ශනවලදී හිටපු වැඩසටහන් කළමනාකාරවරයකු වන සද්ධාමංගල සූරියබණ්ඩාර මහතාගෙන් මේ වනතෙක් පොලිස් මූල්‍ය අපරාධ කොට්ඨාසය එක් ප්‍රකාශයක්වත් ලාබගෙන නොමැති බව වාර්තා වනවා. CSN සම්බන්ධයෙන් සිදු කරනු ලබන විමර්ශනවලදී එහි හිටපු රියැදුරන්ගේ සිට ප්‍රධාන විධායක නිලධාරීයා දක්වා වූ සෑම තරාතිරමකම නිලධාරීන්ගෙන් ප්‍රශ්න කර තිබෙනවා. එහෙත් CSNහි වැඩසටහන් කළමනාකාරවරයකුට අමතරව අධ්‍යක්ෂවරයකුව සිටි සද්ධාමංගල සූරියබණ්ඩාර මහතාගෙන් මෙතෙක් ප්‍රශ්න කර නොමැති බවයි වාර්තා වන්නේ. 
සද්ධාමංගල සූරියබණ්ඩාර මහතා, චන්දන සූරියබණ්ඩාර මහතාගේ සොහොයුරෙක්ද වනවා. එසේම මේ  වන විට ස්වාධීන රූපවාහිනි සේවයේ දේශපාලන වැඩසටහන් මෙහෙයවන්නෙකු ලෙසටද කටයුතු කරනු ලබනවා. 

Western Provincial Council MPs fly abroad

යහපාලන රජයේ තහනම බිඳ බස්‌නාහිර මන්ත්‍රීහු 30 ක්‌ රට සවාරියක

යහපාලන රජය යටතේ මන්ත්‍රීවරුන්ට අනවශ්‍ය විදෙස්‌ සංචාර නතර කර තිබියදී බස්‌නාහිර පළාත් මහ ඇමැති ඉසුර දේවප්‍රිය මහතා විසින් බස්‌නාහිර පළාත් සභා මන්ත්‍රීවරුන් තිස්‌දෙනකු රුසියාවට හා බල්ගේරියාවේ සංචාරයකට යවා තිබේ. 
බස්‌නාහිර පළාත් සභා මහ ඇමැති ඉසුර දේවප්‍රිය මහතාගේ දේශපාලන දිවියට පසුගියදා වසර 25 ක්‌ පිරුණ අතර මෙම මන්ත්‍රීවරුන්ගේ රුසියානු සංචාරයද ඊට සමගාමීව සිදුවීම පිළිබඳව පළාත් සභා මන්ත්‍රීවරුන් අතර සැකයක්‌ මතුව ඇත.
මෙම පළාත් සභා මන්ත්‍රීවරුන් පිරිසට වීසා ලැබුණු විගස රුසියාවට හා බල්ගේරියාවට යවා ඇති අතර එසේ නොකළේ නම් ඉහළ දේශපාලන අධිකාරිය මෙම සවාරිය අවලංගු කිරීමට ඉඩ තිබුණු බව ජ්‍යෙෂ්ඨ ඇමැතිවරයෙක්‌ දිවයිනට පැවැසීය.
මීට අමතරව පසුගියදා පළාත් සභා මහ ඇමැතිවරුන් දකුණු අප්‍රිකාවේ නගර සැලැස්‌ම පිළිබඳ අධ්‍යයනයකටද ගොස්‌ ඇත.
මෙම සවාරිය පිළිබඳව බස්‌නාහිර පළාත් මහ ඇමැති ඉසුර දේවප්‍රිය මහතාගෙන් දිවයින කළ විමසීමේදී ඒ මහතා කියා සිටියේ පසුගිය වසර දෙක තුළම මන්ත්‍රීවරුන්ට සවාරි යැම නතර කර තිබූ බවයි. නමුත් රුසියාවේ දේශපාලනය අධ්‍යයනය කිරීම සඳහා විෂයානුබද්ධ හේතුවක්‌ මත මෙම පිරිස රුසියාවට හා බල්ගේරියාවට යෑවූ බවද මහ ඇමැතිවරයා කියා සිටියේය.
කලින් පැවති පාලන සමයේදී මන්ත්‍රීවරුන් සවාරි ගියද මෙම පළාත් සභා මන්ත්‍රීවරුන්ට ලැබුණු එකම හා අවසාන අධ්‍යයන සංචාරය මෙය වනු ඇතැයිද මහ ඇමැතිවරයා පැවැසීය.

උපුටා ගැනීම - දිවයින පුවත්පත

Chamathka go to bring a crown of Miss Asia to Sri Lanka

ආසියානු රූ රැජින කිරුළ ලංකාවට ගෙන ඒමට චමත්කා ඉන්දියා යයි

ආසියානු රූ රැජින තරගාවලියට ශ්‍රී ලංකාව නියෝජනය කරමින් මෙවර ඉදිරිපත් වන්නේ චමත්කා ලක්මිණියි. ඇය එම තරගාවලියට ඉදිරිපත් වීම සඳහා ඊයේ (11) ඉන්දියාව බලා පිටත්ව ගොස් තිබෙනවා. ඒ කටුනායක බණ්ඩාරනායක අන්තර්ජාතික ගුවන් තොටුපොළෙනි. මෙම තරගාවලියේදී ඇයට ජය අත්වේවා යැයි සිරසගොසිප් අපි ප්‍රාර්ථනා කරන්නෙමු.